Dubayda ilin son mükafatlandırma mərasimi keçirilib. Tədbirdə futbol ictimaiyyətinin bir sıra məşhur nümayəndəsi iştirak edib. Kriştitano Ronaldo, Robert Levandovski, İker Kasilyas və digərlərinə hansı mükafatlar təqdim olunub?
"Bavariya"nın hücumçusu Robert Levandovski Avropa Klubları Assosiasiyası və Avropa Futbol Agentləri Assosiasiyasının təsis etdiyi "Qlob Sokker Evods" versiyası üzrə 2020-ci ilin ən yaxşı futbolçusu seçilib. Mükafatlar daha bir neçə nominasiyada təqdim edilib. Portuqaliyalı Kriştiano Ronaldo "Əsrin oyunçusu" nominasiyasında qalib gəlib, "Bavariya"ya rəhbərlik edən Hans-Diter Flik ilin ən yaxşı baş məşqçisi, Xosep Qvardiola isə əsrin ən yaxşı baş məşqçisi seçilib. İspaniya millisinin və "Real Madrid" klubunun sabiq qapıçısı Iker Kasilyas və müdafiəçi Jerar Pike ən yaxşı futbolçu karyeralarına malik oyunçular qismində mükafatlar alıblar. "Real Madrid" XXI əsrin ən yaxşı futbol klubu, "Bavariya" isə 2020-ci ilin komandası seçilib. Ən yaxşı agent mükafatı yenidən Ronaldonun maraqlarını təmsil edən Jorje Mendeşə verilib.